बॅडमिंटन स्पर्धेसाठी
तिघींची निवड
चिपळूण ः रत्नागिरी येथे झालेल्या जिल्हास्तरीय शालेय बॅडमिंटन स्पर्धेमध्ये मयूर कांबळे बॅडमिंटन अॅकॅडमीतील विश्वा गमरे, आदिती जावरट व मैत्राई तारे यांनी १४ वर्षांखालील मुलींच्या सांघिक प्रकारात विजेतेपद पटकावले. त्यांची कोल्हापूर येथे होणाऱ्या विभागीय बॅडमिंटन स्पर्धेसाठी निवड झाली आहे. रिया पेढामकर, सई शिंदे, स्वरा होमकळस यांनी १७ वर्षांखालील मुलींच्या सांघिक प्रकारात तिसरा क्रमांक पटकावला आहे. यामध्ये वैयक्‍तिक प्रकारामध्ये १४ वर्षाखालील मुलींमध्ये विश्वा गमरे आणि १७ वर्षांखालील मुलींमध्ये रिया पेढामकरची कोल्हापूर येथे होणाऱ्या विभागीय बॅडमिंटन स्पर्धेसाठी निवड झाली आहे.