महालक्ष्मी जागर कार्यक्रमाचे आयोजन
सकाळ वृत्तसेवा
रत्नागिरी, ता. २३ : प्रतिवर्षीप्रमाणे २९ सप्टेंबर रोजी कुवारबाव पंचक्रोशी ब्राह्मणसभा यांच्या विद्यमाने श्री महालक्ष्मी पूजन व जागराचे आयोजन नाचणे-साळवीस्टॉप लिंक रोड येथील श्रीमान यशवंत हरी गोखले भवन येथे आयोजन केले आहे. हा कार्यक्रम सर्व हिंदू बंधू-भगिनींसाठी खुला आहे.
सर्व हिंदू भाविकांनी रात्री ८ वाजल्यापासून १२ वाजेपर्यंत होणाऱ्या जागर कार्यक्रमात दर्शनाचा व प्रसादाचा लाभ घ्यावा. सायंकाळी देवीची पूजा, आरती व त्यानंतर होणाऱ्या भजन, आरत्यांचा व भोवत्यांचा आनंद घ्यावा. नवविवाहित सुवासिनी ज्यांना महालक्ष्मी वसा पूजन करावयाचे आहे त्यांनी २५ सप्टेंबरपर्यंत आदिती भावे, रवींद्र रानडे यांच्याकडे नावनोंदणी करावी. वसा पूजनाचे सर्व साहित्य ब्राह्मणसभेकडून देण्यात येईल, असे कुवारबाव पंचक्रोशी ब्राह्मणसभेचे अध्यक्ष अनंत आगाशे यांनी आवाहन केले आहे.