स्वस्थ नारी अभियानांतर्गत
साखरपा येथे आरोग्य शिबिर
साखरपा, ता. २६ : साखरपा प्राथमिक आरोग्यकेंद्रात स्वस्थ नारी, सशक्त परिवार या अभियानांतर्गत झालेल्या आरोग्य शिबिराचे उद्‍घाटन कोंडगाव ग्रामपंचायतीच्या सरपंच श्रद्धा शेट्ये यांनी केले. या वेळी एसएमएस हॉस्पिटलच्या डॉ. चंद्रमणी तसेच देवरूख येथील आशीर्वाद नर्सिंग होमच्या स्त्रीरोगतज्ज्ञ डॉ. अस्मिता केळकर या उपस्थित होत्या. साखरपा केंद्राच्या आरोग्य अधिकारी डॉ. सृष्टी डोर्ले यांनी महिलांना मासिक पाळीच्या व्यवस्थापनाविषयी मार्गदर्शन केले. आरोग्य सहाय्यक विनायक सुर्वे यांनी उपस्थितांना तंबाखूमुक्तीची शपथ दिली तसेच टीबीमुक्त अभियानासाठी निश्चयमित्र, आभाकार्डविषयी माहिती दिली. या वेळी पाच ते दहा वर्ष वयोगटातील मुलींसाठी आयकेअर हे सत्र घेण्यात आले.