ज्येष्ठ नागरिक दिन कार्यक्रमात बदल
सकाळ वृत्तसेवा
रत्नागिरी, ता. २७ : रत्नागिरी शहर ज्येष्ठ नागरिक संघ दरवर्षी १ ऑक्टोबरला ज्येष्ठ नागरिक दिन साजरा करतो. त्या दिवसाचे औचित्य साधून संघाच्या सभासदांचा सत्कार केला जातो. त्याप्रमाणे सर्व संबंधित ज्येष्ठ सभासदांना निमंत्रण पाठवले आहे; परंतु हवामान विभागाने वर्तवलेला अतिवृष्टीचा अंदाज आणि त्या संदर्भात जिल्हा प्रशासनाने दिलेल्या दक्षतेचा इशारा विचारात घेता १ ऑक्टोबरचा कार्यक्रम पुढे ढकलण्यात आला आहे, अशी माहिती अध्यक्ष सुभाष थरवळ यांनी दिली.
हाच कार्यक्रम रत्नागिरी शहर ज्येष्ठ नागरिक संघाच्या वर्धापनदिनी म्हणजेच सोमवारी (ता. १३) ४ वाजता संघाच्या शिवाजीनगर येथील सभागृहात आयोजित करण्यात येत आहे. सर्व संबंधितांना दूरध्वनी, पत्राद्वारे कळवण्यात येत आहे. संघाच्या सर्व सभासदांनी कार्यक्रमाच्या तारखेतील बदलाची कृपया नोंद घेऊन संघाला सहकार्य करावे, असे संघाच्या कार्यकारिणीच्यावतीने अध्यक्ष थरवळ यांनी केले आहे.