नायशी ग्रामपंचायतीत
आरोग्य तपासणी शिबिर
चिपळूण : नायशी ग्रामपंचायत आणि प्राथमिक आरोग्य केंद्र यांच्या संयुक्त विद्यमाने नारी सशक्त परिवार अभियानांतर्गत मोफत आरोग्य तपासणी शिबिराचे आयोजन करण्यात आले. शिबिराचे उद्‍घाटन ग्रामपंचायत सरपंच ऋतिका जाधव आणि उपसरपंच संदीप घाग यांच्या हस्ते झाले. या वेळी माजी सरपंच समीक्षा घाग, ग्रामपंचायत सदस्य राजेंद्र राक्षे आदी उपस्थित होते. शिबिरात ५० महिलांची मोफत वैद्यकीय तपासणी करण्यात आली. प्राथमिक आरोग्य केंद्राच्या वैद्यकीय अधिकारी डॉ. दीपाली पांडे यांनी तपासण्या केल्या. त्याचबरोबर २५ महिलांची विविध रक्त तपासण्या, तसेच २० ग्रामस्थांची आयुष्यमान भारत कार्ड नोंदणी देखील करण्यात आली.
---