ओमळीत औजारे वाटप
चिपळूण, ता. ३० : प्रधानमंत्री कृषि सिंचन योजना व वसुंधरा पाणलोट विकास घटक 2.0 अंतर्गत ओमळी ग्रामपंचायत, पाणलोट विकास समितीच्यावतीने गावात जलसिंचन, फळबाग लागवड, शेती विषयक शेतकऱ्यांना मार्गदर्शन अशा विविध योजना राबविण्याचा उपक्रम चालू आहेत. पाण्याची पातळी वाढावी आणि पाणीसाठा व्हावा यासाठी दोन मोठे बंधारे व गॅबियन बंधारे बांधण्यात येत आहेत. तसेच ओमळी पाणलोट विकास समितीतर्फे 44 पात्र शेतकरी लाभार्थ्यांना औजारे वाटप करण्यात आली आहेत. यावेळी मार्गताम्हाणे विभाग पाणलोट पथक प्रमुख दत्तात्रय काळे, कृषी सहाय्यक अमितकुमार मोटे, कृषी तज्ञ अमित कोंढे यांनी उपस्थित शेतकऱ्यांना मार्गदर्शन केले.