rat3p11.jpg -
96092
चिपळूण - यशस्वी विद्यार्थ्यांचे कौतुक करताना अध्यक्ष मल्लेश लकेश्री, कार्यवाह प्रशांत देवळेकर, कोषाध्यक्ष सिद्धेश लाड, रजिस्ट्रार अजित खेडेकर, योगेश चोगले, प्राचार्या अरूणा सोमण, प्राचार्य भाऊ कांबळे आदी.

वेदिका हरवडे तृतीय,
वैष्णवी हळदे उत्तेजनार्थ
वक्तृत्व व निबंध स्पर्धा; विविध महाविद्यालयांचा सहभाग
चिपळूण, ता. ३ : चिपळूण नगरपालिका व पूज्य गांधी प्रतिष्ठान यांच्यावतीने आयोजित जिल्हास्तरीय वक्तृत्व आणि निबंध स्पर्धेत श्रीराम एज्युकेशन सोसायटीच्या आनंदराव पवार कनिष्ठ महाविद्यालयाच्या विद्यार्थिनींनी उल्लेखनीय कामगिरी केली. वक्तृत्व स्पर्धेत वेदिका हरवडे हिने तृतीय क्रमांक पटकावला तर निबंध स्पर्धेत वैष्णवी हळदे हिला उत्तेजनार्थ क्रमांक मिळाला.
जिल्हास्तरीय स्पर्धेमध्ये विविध महाविद्यालयांतील स्पर्धकांनी सहभाग नोंदवला होता. बक्षीस वितरण गांधी जयंतीनिमित्त सकाळी ९ वाजता गांधारेश्वर मंदिराजवळील महात्मा गांधी रक्षाकलशसमोर मान्यवरांच्या हस्ते पार पडला. या स्पर्धेसाठी विशेष मार्गदर्शन प्रा. रूपेश भालेकर यांनी केले. ही स्पर्धा २८ सप्टेंबर रोजी परांजपे मोतीवाले हायस्कूल, चिपळूण येथे संपन्न झाली होती. स्पर्धेमध्ये सहभाग घेतल्याबद्दल महाविद्यालयास पुस्तक भेटवस्तूही प्रदान करण्यात आली.
यशस्वी विद्यार्थ्यांचे महाविद्यालयाचे अध्यक्ष मल्लेश लकेश्री, कार्यवाह प्रशांत देवळेकर, कोषाध्यक्ष सिद्धेश लाड, रजिस्ट्रार अजित खेडेकर, पीआरओ योगेश चोगले, वरिष्ठ महाविद्यालयाच्या प्राचार्या अरूणा सोमण, कनिष्ठ महाविद्यालयाचे प्राचार्य भाऊ कांबळे तसेच सर्व प्राध्यापक व शिक्षकेतर कर्मचाऱ्यांनी दोन्ही विद्यार्थिनींचे विशेष अभिनंदन केले.