-rat4p11.jpg-
P25N96401
पावस ः शिवारआंबेरे येथील श्रमिक विद्यालयाची आट्यापाट्या खेळामध्ये यशस्वी विद्यार्थी.
-----
आट्यापाट्या स्पर्धेत
श्रमिक विद्यालय विजयी
पावस ः शिवारआंबेरे येथील श्रमिक विद्यालयाच्या विद्यार्थ्यांनी जिल्हास्तरीय आट्यापाट्या या खेळामध्ये १७ वर्षाखालील मुले व १४ वर्षाखालील मुली अशा दोन गटांत विजेतेपद पटकावले. त्यांची कोल्हापूर येथे होणाऱ्या विभागीय स्पर्धेसाठी निवड झाली आहे. रत्नागिरी येथे ही स्पर्धा झाली. श्रमिक विद्यालयाचे मुख्याध्यापक मधुकर थुळ, संस्था पदाधिकारी, क्रीडाशिक्षक दिवाकर तरळ, राकेश आंबेकर यांनी विद्यार्थ्यांचे कौतुक केले.

स्वामी समर्थ मठात
धार्मिक कार्यक्रम
पावस ः रत्नागिरी तालुक्यातील मेर्वी येथील श्री स्वामी समर्थ मठात पौर्णिमेनिमित्त विविध धार्मिक कार्यक्रमांचे आयोजन करण्यात आले आहे. सोमवारी (ता. ६) सकाळी ७ वा. श्री स्वामी समर्थांची पूजा, ८ वा. स्वामी पादुकांवर अभिषेक, दुपारी १२ वाजता पालखी प्रदक्षिणा, १२.३० वाजता आरती होणार आहे. १ ते ३ या वेळेत महाप्रसाद होणार आहे. भाविकांनी या कार्यक्रमांचा लाभ घ्यावा, असे आवाहन मेर्वी मठाचे पुजारी सहदेव पावसकर यांनी केले आहे.