96641

तुळस सोसायटीतर्फे सभागृहाचे लोकार्पण
वेंगुर्ले ः श्री देव जैतीर विविध कार्यकारी सहकारी सेवा सोसायटी, तुळसच्या नूतन सभागृहाचे उद्‍घाटन सरपंच रश्मी परब यांच्या हस्ते श्रीफळ वाढवून करण्यात आले. यावेळी उद्योजक सुधीर झांटये, सोसायटी अध्यक्ष संतोष शेटकर, ठाकरे शिवसेना वेंगुर्ले तालुकाप्रमुख यशवंत परब, उपाध्यक्ष संजय परब, संचालक विजय रेडकर, गुंडू परब, विनय गोरे, महादेव (बाबू) मेस्त्री, भूषण आरोसकर, ग्रामपंचायत सदस्य जयवंत तुळसकर, आपा परब, नाना राऊळ, बंड्या होडावडेकर, दादा गावडे, सुहास सावंत, संस्था सचिव सुशील परब आदी मान्यवर उपस्थित होते. संस्थेच्या नफ्यातून सुसज्ज असे सभागृह बांधण्यात आले आहे. विजय रेडकर यांनी सूत्रसंचालन केले. सचिव सुशील परब यांनी आभार मानले.
....................
96640

कुडाळेश्वर मंदिरात आज ‘अभंगवारी’
कुडाळ ः कोजागिरी पौर्णिमेनिमित्त येथील श्री देव कुडाळेश्वर मंदिरात उद्या (ता. ६) विविध धार्मिक, सांस्कृतिक कार्यक्रमांचे आयोजन करण्यात आले आहे. सकाळी १० वाजता श्री सत्यनारायण महापूजा, रात्री ८.३० वाजता ५० व्या भजन स्पर्धेचा बक्षीस वितरण सोहळा मुंबई येथील सारेगम फेम प्रसिद्ध युवा गायक विश्वजित बोरवणकर व लक्ष्मी ज्वेलर्सचे राजू पाटणकर यांचे हस्ते होणार आहे. रात्री ९ वाजता विश्वजित बोरवणकर यांचा ‘अभंगवारी’ हा भक्तिगीत गायनाचा कार्यक्रम होणार आहे. सर्वांनी याचा लाभ घ्यावा, असे आवाहन करण्यात आले आहे.