नाणीजला अनुगामी लोकराज्य महाअभियान
पाली ः नाणीज माध्यमिक विद्यामंदिरमध्ये अनुलोम आयोजित अनुगामी लोकराज्य महाअभियान यावर व्याख्यानपर कार्यक्रमाचे आयोजन करण्यात आले होते. कार्यक्रमाला प्राचार्या रुपाली सावंतदेसाई, अनुलोम संस्थेचे भाग-जनसेवक ओंकार पिंपुटकर, प्रमुखवक्ते निखिल आपटे आदी उपस्थित होते.

पालीत आरोग्य शिबिर
पाली ः खानू प्राथमिक आरोग्य केंद्रांतर्गत पाली आरोग्य उपकेंद्रातर्फे पाली ग्रामपंचायतीत आरोग्य तपासणी शिबिर झाले. या वेळी पाली सरपंच विठ्ठल सावंत, उपसरपंच संतोष धाडवे, माजी सरपंच संदीप गराटे, ग्रामविकास अधिकारी आशीष खोचाडे, प्राथमिक आरोग्य केंद्राच्या वैद्यकीय अधिकारी डॉ. दीपशिखा, डॉ. मंगेश पायगव्हाण आदी उपस्थित होते. शिबिरात ग्रामस्थांचे रक्त तपासणी याबरोबरच आरोग्य, ईसीजी, संसर्गजन्य आजार एनसीडी, रक्तदाब, मधुमेह, कॅन्सर, किशोरवयीन मुलींची आरोग्य तपासणी व समुपदेशन, पोषण आहार आदीची माहिती, गरोदर महिलांची तपासणी करण्यात आली व त्यांना मोफत औषधे देण्यात आली.