96871

मदर क्विन्स प्रशालेमध्ये
विद्यार्थ्यांना पुस्तके वाटप
सावंतवाडी, ता. ६ ः सिंधुदुर्ग जिल्हा शिक्षण प्रसारक मंडळ संचलित येथील मदर क्विन्स इंग्लिश स्कूलमध्ये सरस्वती पूजन सोहळा उत्साहात झाला. याप्रसंगी ज्येष्ठ साहित्यिक प्रा. प्रवीण बांदेकर यांच्या संकल्पनेतून प्रशालेच्या पहिली ते दहावीच्या सर्व विद्यार्थ्यांना पुस्तकांचे वाटप केले.
या अभिनव उपक्रमासाठी प्रा. बांदेकर, शिरीष बांदेकर, डॉ. अनिल फराकटे, प्रा. कविता तळेकर, धर्मराज परब, सुयोग धुरी, अमित परब, ज्योती चव्हाण, सरिता पवार, डॉ. शरयू आसोलकर, प्रा. ज्ञानदा आसोलकर, राजू देसले, मधुकर मातोंडकर, अमोल भोगले, रामचंद्र दळवी, सुजाता राऊळ, डॉ. नंदकुमार मोरे यांनी विविध विषयांशी संबंधित, मराठी, हिंदी इंग्रजी भाषेतील माहिती, मनोरंजन, चरित्रे, विज्ञान, इतिहास, शब्दकोश, गोष्टीरूप साहित्य आदी विषयांवरील एकूण १०१८ पुस्तके प्रशालेस भेट दिली. प्रशालेच्या आवाहनास अनुसरून पालकांनीही पुस्तके प्रशालेच्या वाचनालयास दान केली. यावेळी सिंधुदुर्ग जिल्हा शिक्षण प्रसारक मंडळाच्या शुभदादेवी भोसले, सदस्य जयप्रकाश सावंत, डॉ. सतीश सावंत, मुख्याध्यापिका अनुजा साळगावकर आदी उपस्थित होते.