rat6p21.jpg-
96874
राजापूर ः मराठा समाजसेवा संघाच्या वतीने शहाजीराव खानविलकर यांना आदरांजली वाहताना राजापूर मराठा समाजसेवा संघाचे पदाधिकारी.
----------
‘मराठा संघा’चे काम अविरत सुरू ठेवा
प्रकाश पवार ः शहाजीराव खानविलकर यांना श्रद्धांजली
सकाळ वृत्तसेवा
राजापूर, ता. ७ ः राजापूर मराठा समाजसेवा संघासाठी समर्पित भावनेने काम करताना समाजाला एकसंघ ठेवण्याचे काम मराठा समाजसेवा संघाचे आधारस्तंभ असलेल्या गुरुवर्य शहाजीराव खानविलकर यांनी केले. त्यामुळे भविष्यात मराठा समाजसेवा संघाचे कार्य अधिक जोमाने सुरू ठेवून खऱ्या अर्थाने शहाजीराव खानविलकर यांना आदरांजली अर्पण करूया, अशा शब्दात मराठा समाजसेवा संघाच्या वतीने (कै.) खानविलकर यांना श्रद्धांजली अर्पण करण्यात आली.
गुरुवर्य शहाजीराव खानविलकर यांचे निधन झाले. त्यांना श्रद्धांजली अर्पण करण्यासाठी रविवारी मराठा बोर्डिंग सभागृहात मराठा समाजसेवा संघाचे अध्यक्ष प्रकाश पवार यांच्या अध्यक्षतेखाली शोकसभा झाली. अध्यक्ष पवार यांनी खानविलकर यांचे मराठा समाजसेवा संघ व मराठा समाजासाठी मोलाचे योगदान आहे. त्यांच्या निधनाने मराठा समाजाची मोठी हानी झाली आहे. भविष्यात सगळ्यांनी एकसंधपणे मराठा समाजसेवा संघाचे काम अधिक प्रभावीपणे करून पुढे नेऊया. तीच खानविलकर यांना आदरांजली ठरेल, असे सांगितले.