वसुंधरा जिज्ञासा मंडळाचे उद्‍घाटन
सकाळ वृत्तसेवा
रत्नागिरी, ता. ७ : अभ्यंकर-कुलकर्णी कनिष्ठ महाविद्यालयात वसुंधरा जिज्ञासा मंडळाचे उद्‍घाटन करण्यात आले. अध्यक्षस्थानी उपप्राचार्य प्रा. सुनील गोसावी होते तर या प्रमुख व्याख्याते गोगटे-जोगळेकर महाविद्यालयातील प्रा. बाबासाहेब सुतार उपस्थित होते. पृथ्वीगोलाचे पूजन करून कार्यक्रमाचे उद्‍घाटन झाले.
मंडळाचे मुख्य समन्वयक प्रा. दत्तात्रय माळवदे यांनी प्रास्ताविक केले. त्यांनी मंडळाचा उद्देश आणि मंडळामार्फत राबवल्या जाणाऱ्या उपक्रमाविषयी माहिती दिली. शाहिस्ता शेख हिने प्रमुख व्याख्याते प्रा. सुतार यांची ओळख करून दिली. प्रा. सुतार यांनी अंतराळयान मोहीम, मोहिमेचा उद्देश, मोहिमेची तयारी व यशस्वितेविषयी स्लाईड आणि डॉक्युमेंटरी फिल्मद्वारे सविस्तर माहिती दिली. पृथ्वीचे संरक्षण का करणे गरजेचे आहे या विषयी माहिती दिली. उपप्राचार्य प्रा. सुनील गोसावी यांनी वसुंधरा जिज्ञासा मंडळाला शुभेच्छा दिल्या. या वेळी प्रा. नितीन पेटावे, प्रा. आदेश मुकणे, प्रा. दत्तात्रय सरगर उपस्थित होते. तांत्रिक साहाय्य प्रा. निनाद तेंडुलकर यांनी केले. कार्यक्रमाचे सूत्रसंचालन बारावीतील सरगम कांबळे हिने केले. दूर्वा नागवेकर हिने आभार मानले.