-rat८p२.jpg-
P२५N९७२७३
रत्नागिरी : दी महिला मंडळातर्फे पाळणाघर व बालवाडीतील बालकांची आरोग्य तपासणी करण्यात आली. या बालकांसोबत मंडळाच्या पदाधिकारी.
------
बाल आरोग्य शिबिराला प्रतिसाद
सकाळ वृत्तसेवा
रत्नागिरी, ता. ८ : मारुती मंदिर येथील दी महिला मंडळातर्फे पाळणाघर व बालवाडी येथील लहान मुलांसाठी आरोग्य तपासणी शिबिराचे आयोजन करण्यात आले. बालरोगतज्ज्ञ डॉ. आदिती बेडेकर यांनी तपासणी केली.
खजिनदार आरती पाध्ये यांनी स्वागत केले. मंडळाच्या अध्यक्षा मेघना शहा यांनी डॉ. अदिती बेडेकर यांचा भेटवस्तू व पुष्पगुच्छ देऊन सत्कार केला. डॉ. बेडेकर यांनी मुलांची उंची, वजन आणि सर्वसाधारण आरोग्य तपासणी केली. त्यांनी पालकांना मुलांच्या आहाराकडे विशेष लक्ष देण्याचा सल्ला दिला. ‘जंक फूडच्या ऐवजी पोळी-भाजीचा पोषणमूल्यांनी भरलेला डबा द्यावा,’ असा सल्ला त्यांनी दिला. शिक्षकांनी मुलांच्या डब्याकडे नियमितपणे लक्ष ठेवावे, असेही त्यांनी सांगितले.