बहुजन संघटनेतर्फे जनआक्रोश
सकाळ वृत्तसेवा
रत्नागिरी, ता. १७ ः भारतमुक्ती मोर्चा, ओबीसी मोर्चा, राष्ट्रीय परिवर्तन मोर्चा आणि बहुजन क्रांती मोर्चातर्फे बुधवारी (ता. १५) जिल्हाधिकारी कार्यालयावर रॅली काढण्यात आली. या वेळी ईव्हीएम हटवले नाही तर सनदशीर मार्गाने भविष्यात आणखी तीव्र आंदोलनाचा इशारा देण्यात आला.
सकाळी डॉ. बाबासाहेब आंबेडकर यांच्या पुतळ्याला पुष्पहार अर्पण करून रॅलीला सुरुवात झाली. ओबीसींची जातवार जनगणना झालीच पाहिजे, ईव्हीएम हटाव देश बचाव आणि महाबोधी महाविहार मुक्त करा, अशी जोरदार घोषणाबाजी करण्यात आली. मोर्चाचे नेतृत्व जिल्हा बामसेफचे समाधान पैठणे, भारतमुक्ती मोर्चाचे विजय जाधव, बुद्धिस्ट इंटरनॅशनल नेटवर्कचे संजय आयरे, भीम आर्मीचे प्रदीप पवार, बहुजन मुक्ती पार्टीचे अशोक पवार आणि कुणबी समाजक्रांती संस्थेचे सलील डाफळे यांनी केले.
---