-rat१७p१३.jpg-
२५N९९१७९
रत्नागिरी : अभ्यंकर-कुलकर्णी कनिष्ठ महाविद्यालयाच्या सुवर्ण महोत्सव उद्‍घाटन कार्यक्रमात प्रा. दिलीप बेतकेकर यांचा सत्कार करताना शिल्पा पटवर्धन.
----
विद्यार्थ्यांना वैज्ञानिक आधारावर प्राचीन
परपंरा शिकवा ः प्रा. बेतकेकर
रत्नागिरी, ता. १७ : पूर्वीच्या काळी लहान मुलांनी प्रश्न विचारले की, पालक पाप-पुण्याचा विषय असल्याचे सांगत; परंतु आताच्या विद्यार्थ्यांना भारत शिकवण्यासाठी वैज्ञानिक आधारावर आपली प्राचीन परंपरा शिकवली पाहिजे. विद्यार्थ्यांना रामायण, महाभारतातील गोष्टी आजच्या अनुषंगाने सांगितल्या पाहिजेत. जुन्या गोष्टी-नवी दृष्टी सांगितल्या पाहिजेत, असे प्रतिपादन शिक्षणतज्ज्ञ प्रा. दिलीप बेतकेकर यांनी केले.
अभ्यंकर-कुलकर्णी कनिष्ठ महाविद्यालयाच्या सुवर्ण महोत्सवी वर्षाचा प्रारंभ आज डॉ. ज. शं. केळकर सेमिनार हॉलमध्ये झाला. त्या प्रसंगी ते बोलत होते. यावेळी र. ए. सोसायटीच्या कार्याध्यक्ष शिल्पा पटवर्धन, सहकार्यवाह श्रीकांत दुदगीकर, कनिष्ठ महाविद्यालयाच्या पहिल्या बॅचचे विद्यार्थी व डॉ. संजय केतकर, प्राचार्य डॉ. मकरंद साखळकर, उपप्राचार्य सुनील गोसावी उपस्थित होते.