काही सुखद-----लोगो

rat19p15.jpg-
99530
राजापूर ः लाभार्थी कुटुंबाना किराणा सामान देताना माय राजापूर संस्थेचे पदाधिकारी.

निराधार कुटूंबांना किराणा साहित्य भेट
‘माय राजापूर’ संस्था ; त्या कुटुंबांची दिवाळी होणार आनंदमय
सकाळ वृत्तसेवा
राजापूर, ता. २० ः घरातील कर्त्या पुरूषाचे अकाली झालेले निधन, तर लहान वयामध्ये पालकत्व गमावलेले काही निराधार कुटूंबांना ‘माय राजापूर’ या सामाजिक संस्थेतर्फे दिवाळी उत्सवानिमित्त किराणा साहित्य भेट देण्यात आले. त्यामुळे या कुटुंबांची दिवाळी तेजोमय होणार आहे.
माय राजापूर या सामाजिक संस्थेतर्फे तालुक्यातील शेंबवणे येथील ब्रीद कुटुंब, उन्हाळे येथील सोडये कुटुंब, कोंड्ये येथील बाईत, शिवगण कुटुंब, तिठवली येथील काळे, राजापूर चव्हाणवाडी येथील चव्हाण, गोठणेदोनिवडे नेरकेवाडी येथील कुडकर, मांडवकर कुटुंब, तेरवण येथील राजकुमार पुजारी यांना किराणा मालाचे साहित्य दिले. हा किराणा माल माय राजापूर संस्थेचे पदाधिकारी जगदीश पवार, संदीप देशपांडे, हृषीकेश कोळेकर, सुधीर तावडे, समीर देशपांडे, अनिल मोहिते यांनी ही भेट त्यांच्या घरी पोहच केली. विविध क्षेत्रात कार्यरत लोकांनी एकत्र येत माय राजापूर या सामाजिक संस्थेची स्थापना केली आहे. या संस्थेच्या माध्यमातून सर्वसामान्यांपर्यंत शासनाच्या विविध योजना पोहचविल्या जात आहेत. गाव, तालुका, जिल्हा यांचा रोजगार निर्मिती, उद्योग व्यवसाय, शेती, पर्यटन या माध्यमातून सर्वांगीण विकास कसा साधता येईल? यादृष्टीने प्रयत्न केले जात आहेत. अनेकवेळा माय राजापूर संस्थेच्या सदस्यांनी स्वतःहून या निराधार कुटुंबांना आर्थिक मदतीचा हात दिला. अनेक विद्यार्थ्यांना स्वःखर्चातून शिक्षणाची द्वारे खुली करून दिली. दरवर्षीप्रमाणे यंदा दिवाळीनिमित्त निराधार कुटुंबांना किराणा साहित्य भेट देण्यात आले.

चौकट
उपक्रमाचे कौतुक
स्वतःच्या घरी दिवाळी उत्सव साजरा करताना स्वतःसोबत इतरांनाही त्याचा आनंद साजरा करता यावा यादृष्टीने स्वतःची पदरमोड करीत माय राजापूर संस्थेच्या सदस्यांनी जोपासलेल्या या सामाजिक बांधिलकीचे कौतुक होत आहे.