swt204.jpg
99748
मुंबई ः दशावतार लोककला सांस्कृतिक कला बहुद्देशीय शिखर संघाने मंत्री आशिष शेलार यांची भेट घेऊन निवेदन दिले.

दशावतार कलाकारांच्या
समस्या मार्गी लावणार
आशिष शेलारः संघटनेला ग्वाही
सकाळ वृत्तसेवा
कुडाळ, ता. २०ः पारंपरिक दशावतार लोककलेच्या संवर्धनातील अडचणी दूर करा, अशी मागणी भाजप नेते तथा जिल्हा बँक उपाध्यक्ष अतुल काळसेकर यांच्या नेतृत्वाखाली सिंधुदुर्ग पूर्णवेळ नऊ पारंपरिक दशावतार लोककला सांस्कृतिक कला बहुद्देशीय शिखर संघ सिंधुदुर्गचे पदाधिकारी व सदस्य यांनी सांस्कृतिक मंत्री आशिष शेलार यांच्याकडे केली.
याबाबत चव्हाण यांची रवींद्र नाट्यमंदिर प्रभादेवी येथे भेट घेऊन निवेदन सादर केले. पारंपरिक दशावतार लोककलेचे संवर्धन करताना येणाऱ्या अडचणी शेलार यांच्यासमोर मांडल्या. मालक व कलाकार यांच्या हिताच्या दृष्टीने अनेक विषयांवर चर्चा करण्यात आली. शेलार यांनी यावर दिवाळीनंतर बैठक बोलावून सकारात्मक निर्णय जाहीर करू, असे आश्वासन दिले. यावेळी सौरभ पाटकर, तुषार नाईक, सुधाकर दळवी, दिनेश गोरे, रमेश आजगावकर, बाबा मेस्त्री उपस्थित होते. श्री. काळसेकर व मनीष दळवी यांच्या पुढाकारातून ही बैठक आयोजित केली होती. मंत्री शेलार यांची भेट घडवून आणल्याबद्दल शिखर संघाच्या वतीने काळसेकर व दळवी यांचे आभार व्यक्त करण्यात आले.