सोनवडे विद्यार्थ्यांचे निवासी शिबिर
सकाळ वृत्तसेवा
साखरपा, ता. २१ : देवरुख येथील आठल्ये-सप्रे-पित्रे महाविद्यालयाच्या राष्ट्रीय सेवा योजनेच्या निवासी शिबिराचे आयोजन सोनवडे विद्यालयात करण्यात आले आहे. शनिवारी या शिबिराला प्रारंभ होणार आहे.
या शिबिराचे उद्‍घाटन संस्थाध्यक्ष सदानंद भागवत, महाविद्यालयाचे प्राचार्य डॉ. नरेंद्र तेंडोलकर, सोनवडे सरपंच अंकुश राऊत, नेहा जोशी, कृष्णकुमार भोसले, सुजाता प्रभुदेसाई यांच्या उपस्थितीत होणार आहे. सोनवी घडघडी प्रशिक्षण मंडळाचे अध्यक्ष प्रभाकर सनगरे हेही उपस्थित रहाणार आहेत. व्यक्तीमत्व विकास, श्रमप्रतिष्ठा, सहजीवन आणि ग्रामीण जीवनाची ओळख हा या शिबिराचा उद्देश आहे. वनराई बंधारे बांधणे, वृक्षारोपण, ग्रामस्वच्छता, महिला सबलिकरण आदी कार्यक्रम होणार आहेत. या शिबिरात प्रभाकर सनगरे, दत्ताराम सोलकर, शंकर धामणे, डॉ. मयुरेश राणे, प्रतिप शिवगण, अमित पंडित आदींची व्याख्याने यामध्ये आयोजित केली आहेत.