00231

कलंबिस्त दुग्ध संस्थेतर्फे
बोनस, भेटवस्तूंचे वाटप

सकाळ वृत्तसेवा
सावंतवाडी, ता. २४ ः कलंबिस्त पंचक्रोशी दुग्ध व्यावसायिक सहकारी संस्था मर्यादित, कलंबिस्त, यांच्यातर्फे पाडवा-दिवाळीच्या शुभ मुहूर्तावर दूध उत्पादक शेतकऱ्यांसाठी बोनस वाटपाचा कार्यक्रम संस्थेच्या दूध केंद्रामध्ये आयोजित केला होता. चेअरमन ॲड. संतोष सावंत यांच्या अध्यक्षतेखाली झालेल्या या बैठकीत सुमारे २० शेतकऱ्यांना बोनसचे वाटप केले, तसेच दिवाळीनिमित्त भेटवस्तूही दिल्या.
​ संस्थेच्या या बैठकीत महत्त्वाचे निर्णय घेण्यात आले. येत्या नोव्हेंबरमध्ये शेतकऱ्यांसाठी खास कर्ज व बँक योजनेची माहिती, दुधाळ गाई-म्हशीच्या योजनांबाबतची माहिती, तसेच प्रशिक्षण कार्यक्रम आयोजित करण्याचे यावेळी निश्चित केले. यावेळी संस्थेचे सचिव रमेश सावंत, संचालक लक्ष्मण राऊळ, दत्ताराम कदम, राजन घाडी, सिप्रायान रोड्रिक्स, स्वप्नील सावंत, संजय माडगूत, दाजी कुडतरकर, राजन सावंत, सिद्धेश सावंत, श्री. पवार, तसेच सामाजिक कार्यकर्ते सुरेश ऊर्फ आबा सावंत, प्रकाश सावंत, श्री. सावंत आणि आनंद बिडये आदी उपस्थित होते. सचिव रमेश सावंत यांनी आभार मानले.