00265
पाटः येथील हायस्कूलच्या विद्यार्थ्यांनी वारली चित्रण कार्यशाळेत उत्स्फूर्तपणे सहभाग घेतला. यावेळी उपस्थित शिक्षक वर्ग व अन्य.

वारली चित्रण कार्यशाळेला
पाट हायस्कूलमध्ये प्रतिसाद
म्हापण ः पाट हायस्कूलमध्ये पाचवी आणि सहावीच्या विद्यार्थ्यांसाठी वारली चित्रण कार्यशाळा आयोजित करण्यात आली. या कार्यशाळेत ठाणे जिल्ह्यातील आदिवासी पाड्यांमध्ये विकसित झालेली वारली संस्कृती, नृत्य प्रकार, रहाणीमान, निसर्गाशी जवळीक, वनौषधी खजिना, वारली घरे आणि गाजलेली वारली चित्रकला याबाबत माहिती दिली गेली. कार्यशाळेचे उद्दिष्ट फक्त दिवाळीच्या आनंदापुरते मर्यादित न राहता, मुलांमध्ये नवनवीन शिकण्याची वृत्ती आणि चौकस बुद्धी विकसित करणे होते. विद्यार्थ्यांनी वारली चित्रणातून शुभेच्छा कार्ड्स बनविले. या स्पर्धेचा निकाल पुढीलप्रमाणे: प्रथम : ऋता मार्गी, द्वितीय : कामीनी कुंभार, तृतीय : उत्कर्षा केरकर. विशेष उल्लेख: वैष्णवी चव्हाण, हर्षित ताम्हाणेकर, ध्रृव भगत. या कार्यशाळेचे आयोजन कला शिक्षक संदीप साळसकर यांनी केले, तर एस. के. पाटील संस्था यांनी उपक्रमाचे कौतुक केले. मुख्याध्यापक राजन हंजनकर आणि पर्यवेक्षक सयाजी बोदर यांनी यशस्वी मुलांचे अभिनंदन केले. कार्यक्रमात दिपीका सामंत, यज्ञा गोसावी, जान्हवी पडते, सिद्धी चव्हाण, स्वप्नाली गोसावी यांचे सहकार्य लाभले.
----------------
00260
तळेरे ः येथील श्री विठ्ठल रखुमाई मंदिराच्या नव्या बांधकामाचे भूमिपूजन करताना मान्यवर.

तळेरेत विठ्ठल रखुमाई मंदिर बांधकामाला प्रारंभ
तळेरे : गावठण येथील श्री विठ्ठल रखुमाई मंदिराच्या नव्या बांधकाम कामाचा भूमिपूजन सोहळा नुकताच उत्साहात पार पडला. यात तळेरेसह पंचक्रोशीतील ग्रामस्थ, वारकरी आणि भाविक मोठ्या संख्येने उपस्थित होते. सुमारे १०० वर्षांपूर्वी उभारण्यात आलेले हे मंदिर आता पूर्णपणे नव्याने बांधकाम करण्यात येणार आहे, कारण जुने मंदिर जीर्ण झाले होते. मुंबईतील ग्रामस्थ व गावातील ग्रामस्थांची संयुक्त सभा होऊन मंदिराचे नव्याने बांधकाम करण्याचा निर्णय घेतला. भूमिपूजन सोहळ्यात गावातील मानकरी, पंचक्रोशीतील भाविक, वारकरी आणि ग्रामस्थ उपस्थित राहून कार्यक्रमाची शोभा वाढवली. याबद्दल श्री विठ्ठल रखुमाई मंदिर जीर्णोद्धार समितीने सर्व उपस्थितांचे आभार व्यक्त केले.