देवरुखात चित्रप्रदर्शनाचे उद्‍घाटन
साडवली, ता. २५ : येथील चित्रकार प्रवीण हर्डीकर, सुरेंद्र उर्फ भाऊ शिंदे, किशोर भाट्ये, दीक्षा सागवेकर यांनी रेखाटलेल्या चित्रांच्या प्रदर्शनाला रसिकांचा चांगला प्रतिसाद मिळत आहे.
सरस्वती ॲकॅडमीतर्फे आयोजित भव्य चित्रप्रदर्शन आणि चित्रकला कार्यशाळेचे उद्‍घाटन शनिवारी (ता. २५) झाले. या वेळी रत्नागिरीतील सुप्रसिद्ध कौन्सिलिंग सायकॉलॉजिस्ट अमित सामंत, कलाक्षेत्रातील सुप्रसिद्ध चित्रकार विष्णू परीट, ललित कला ॲकॅडमीच्या प्राचार्या शिल्पा मुंगळे, सरस्वती ॲकॅडमीचे प्रभाकर सनगरे आदी उपस्थित होते. चित्रप्रदर्शनात प्रसिद्ध चित्रकार प्रवीण हर्डीकर, सुरेंद्र शिंदे, किशोर भाट्ये आणि दीक्षा सागवेकर यांच्या सुंदर चित्रकृती प्रदर्शित करण्यात आल्या आहेत. हे चित्रप्रदर्शन २७ ऑक्टोबरपर्यंत सकाळी ९ ते १.३० आणि सायंकाळी ४ ते ८ या वेळेत सर्वांसाठी खुले राहणार आहे.