क्रिकेट निवड चाचणी १ व २ नोव्हेंबरला
सकाळ वृत्तसेवा
रत्नागिरी, ता. २७ ः महाराष्ट्र क्रिकेट असोसिएशनच्या निमंत्रित स्पर्धेसाठी रत्नागिरी जिल्हा क्रिकेट असोसिएशन व चिपळूण तालुका क्रिकेट असोसिएशनच्या सहकार्याने १ नोव्हेंबरला रत्नागिरीत कोळंबे येथील मैदानावर आणि २ रोजी चिपळूण येथील पवान तलाव मैदानावर निवड चाचणी घेण्यात येणार आहे. या वेळी १६ वर्षांखालील मुलांनी उपस्थित राहावे, असे आवाहन करण्यात आले आहे.
रत्नागिरी व चिपळूण येथे होणाऱ्या या निवड चाचणीत ज्या खेळाडूंचा जन्म १ सप्टेंबर २००९ नंतर झाला आहे, अशाच खेळाडूंना सहभागी होता येईल. शनिवारी (ता. १) ला रत्नागिरी, लांजा, राजापूर, देवरूख व संगमेश्वर येथील खेळाडूंनी रत्नागिरीतील कोळंबे मैदानावर सकाळी ९ वाजता उपस्थित राहावे तर रविवारी (ता. २) चिपळूण, गुहागर, खेड, मंडणगड व दापोली येथील खेळाडूंनी पवन तलाव, चिपळूण येथील मैदानावर सकाळी ९ वा. उपस्थित राहावे. खेळाडू क्रिकेट गणवेशासह सर्व क्रिकेट साहित्य घेऊन निवड चाचणीत सहभागी होतील, असे रत्नागिरी जिल्हा क्रिकेट असोसिएशनचे अध्यक्ष तथा महाराष्ट्र क्रिकेट असोसिएशनचे उपाध्यक्ष किरण भैय्या सामंत, कार्यवाह दत्तात्रय उर्फ बाळू साळवी, सचिव बिपिन बंदरकर यांनी सांगितले.
---