- rat२७p३.jpg-
२५O००७३९
रत्नागिरी ः तालुक्यातील चवे गावातील लहानग्या सुमुख काळे याच्या संकल्पनेतून तयार झालेला किल्ला.

चवेत सुमुखने उभारला किल्ला
सकाळ वृत्तसेवा
रत्नागिरी, ता. १८ ः तालुक्यातील चवे गावातील सुमुख काळे याने तयार केलेला अनोखा किल्ला आकर्षणाचा केंद्रबिंदू ठरला आहे. दिवाळीच्या निमित्ताने युवापिढी किल्ले बनवण्याच्या निमित्ताने मोबाइलमधून बाहेर पडू लागली आहे.
रत्नागिरी-गणपतीपुळे महामार्गापासून सुमारे ८ ते १० किलोमीटर अंतरावर असलेल्या चवे गावात राहणाऱ्या सुमुखने आजी-आजोबा, आई-बाबा यांच्या मदतीने किल्ला उभारला आहे. तो सध्या पाचवीत शिकत असून, इतिहास हा त्याचा अत्यंत आवडता विषय आहे. गावातील अनेकांनी किल्ला पाहण्यासाठी हजेरी लावली. सुमुख अगदी सहा वर्षाचा असताना त्याचे आजोबा सदानंद काळे यांनी किल्ला बनवण्यासाठी त्याला प्रोत्साहन दिले. संगमेश्‍वरी बोलीतील अभिनेता सचिन काळे हे त्याचे वडील आहेत. किल्ला पाहिल्यानंतर ग्रामस्थांनी सुमुख याचे कौतुक केले. याबाबत सचिन काळे म्हणाले, किल्ला सुशोभित करताना सुमुखने कल्पनाशक्तीवर भर दिला आहे.
---