rat2p3.jpg-
01911
रत्नागिरी : झाडगाव येथील सागरी जीवशास्त्रीय केंद्रात राष्ट्रीय एकता दिनी एकतेची शपथ घेताना अधिकारी, कर्मचारी.

सागरी जीवशास्त्रीय केंद्रात राष्ट्रीय एकता दिन
सकाळ वृत्तसेवा
रत्नागिरी, ता. २: डॉ. बाळासाहेब सावंत कोकण कृषी विद्यापिठाअंतर्गत झाडगाव येथील सागरी जीवशास्त्रीय संशोधन केंद्रात माजी पंतप्रधान इंदिरा गांधी यांना पुण्यतिथीनिमित्त श्रद्धांजली अर्पण करण्यात आली. राष्ट्रीय संकल्प दिवस म्हणून आणि भारताचे लोहपुरुष सरदार वल्लभभाई पटेल यांच्या जयंतीनिमित्त राष्ट्रीय एकता दिवस साजरा करण्यात आला.
या वेळी संशोधन केंद्रप्रमुख डॉ. केतन चौधरी यांनी सरदार पटेल आणि इंदिरा गांधी यांच्या प्रतिमेस पुष्पहार अर्पण केला. सर्वांनी राष्ट्रीय एकता दिनानिमित्त एकतेची शपथ घेतली. राष्ट्रीय सतर्कता सप्ताहानिमित्त वरिष्ठ वैज्ञानिक अधिकारी यांच्या मार्गदर्शनाखाली सत्यनिष्ठता शपथ देण्यात आली. या वेळी संशोधन केंद्रातील अधिकारी डॉ. एच. बी. धमगये, प्रा. एन.डी. चोगले, प्रा. एस. बी. साटम, व्ही. आर. सदावर्ते, एस. तांबे व आर. एम. सावर्डेकर उपस्थित होते.