02357
तुळसी विवाहात ‘अवकाळी’चा व्यत्यय
आरोंदा, ता. ४ ः कोंडुरे येथे तुळशी विवाह सोहळ्यात अवकाळी पावसाने व्यत्यय आणला. अचानक सुरू झालेल्या पावसामुळे ग्रामस्थांना ताडपत्री आणि छत्र्यांचा आधार घेत कार्यक्रम आटोपावा लागला.
कोकणात तुळसी विवाह हा पारंपरिक आणि धार्मिक उत्सव मोठ्या उत्साहात साजरा केला जातो. प्रत्येक घरात तुळशी वृंदावन रंगवून सजवले जाते आणि पारंपरिक मंगलाष्टकांच्या वातावरणात विवाह विधी पार पडतो. मात्र, यंदा अवकाळी पावसामुळे कोंडुरे गावातील कार्यक्रमात सर्वत्र चिखल आणि जलमय परिस्थिती निर्माण झाली. तरीही ग्रामस्थांनी उत्साहात कार्यक्रम पार पाडत परंपरेचे पालन केले.
---
02356
कुडाळमध्ये तुळशी विवाह उत्साहात
कुडाळ, ता. ४ ः तालुक्यात तुळशी विवाह सोहळे ठिकठिकाणी उत्साहात आणि धार्मिक विधीने पार पडले. दिवाळीनंतर पारंपरिक पद्धतीने घरोघरी तुळशी विवाहाचे आयोजन करण्यात आले.
पुरोहितांच्या उपस्थितीत मंगलाष्टके म्हणून विवाह विधी पार पाडला गेला. उपस्थित भक्तांना ‘गोविंदा रे गोविंदा’ असा जयघोष करत चिरमुऱ्यांचा प्रसाद देण्यात आला. पिंगुळी येथील शेटकरवाडीमध्येही तुलसी विवाह विशेष भक्तिभावाने साजरा करण्यात आला. ग्रामस्थांनी पारंपरिक पद्धतीने सजवलेल्या तुलसी वृंदावनासमोर पूजा अर्चा करत आनंदाने हा धार्मिक सोहळा साजरा केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.