02762

शिवसेनेचे जिल्हा संघटक
पावसकर भाजपमध्ये दाखल
कुडाळ, ता. ६ः ठाकरे शिवसेनेचे जिल्हा संघटक रुपेश पावसकर यांच्यासह कार्यकर्त्यांनी भाजपमध्ये प्रवेश केला. सावंतवाडी येथील कार्यक्रमात हा पक्ष प्रवेश झाला. या कार्यक्रमाला भाजप प्रदेशाध्यक्ष रवींद्र चव्हाण, पालकमंत्री नीतेश राणे, महाराष्ट्र विधानसभा अध्यक्ष राहुल नार्वेकर, भाजप जिल्हाध्यक्ष प्रभाकर सावंत, सिंधुदुर्ग जिल्हा बँक अध्यक्ष मनीष दळवी आदी उपस्थित होते.
यावेळी पावसकर यांच्यासह प्रसाद नार्वेकर (माजी युवासेना तालुका प्रमुख तथा माणगाव विभागप्रमुख), किशोर सावंत (माजी विभागप्रमुख नेरुर), नरेश नेरुरकर (विभागीय संघटक, नेरुर), संतोष परब (शिवसेना विभागीय संघटक, ओरोस) आदींचा भाजपमध्ये प्रवेश करणाऱ्यांमध्ये समावेश होता.