कोकण विभागातील
पेन्शन अदालत ११ला
रत्नागिरी ः कोकण विभागातील पेन्शन अदालत दर महिन्याला दुसऱ्या मंगळवारी आयोजित करण्यात येते. या महिन्यातील विभागीय पेन्शन अदालत ११ रोजी दुपारी १२ वा. कोकण भवनातील कक्ष क्र. १०६ सामान्य प्रशासन शाखा, विभागीय आयुक्त कार्यालय कोकण भवन येथे आयोजित केली आहे. या अदालतीत महसूल विभागातील सेवानिवृत्त शासकीय कर्मचाऱ्यांच्या प्रलंबित पेन्शन प्रकरणांच्या अडचणींचे निवारण करण्यात येणार आहे. सेवानिवृत्त कर्मचाऱ्यांच्या पेन्शन प्रकरणांबाबतच्या तक्रारी असल्यास त्या दिवशी त्याबाबतचे अर्ज स्वीकारले जातील. कोकण विभागातील पेन्शनधारकांनी या अदालतीला उपस्थित राहून पेन्शनविषयी प्रश्न उपस्थित करावेत, असे कोकण विभाग प्रभारी तहसीलदार नरेश जगताप यांनी प्रसिद्धी पत्रकान्वये कळवले आहे.
---