ग्रामीण भागाच्या विकासाला
कुडाळ-मालवणमध्ये वाव

आमदार राणेंमुळे अडीच कोटी

कुडाळ, ता. ८ ः आमदार नीलेश राणे यांच्या माध्यमातून ग्रामविकास मंत्रालयातून २५/१५ अंतर्गत कुडाळ तालुक्यासाठी १ कोटी ५० लाख, तर मालवण तालुक्यासाठी १ कोटी असा एकूण २ कोटी ५० लाख रुपये निधी पहिल्या टप्प्यात मंजूर झाला. यामुळे ग्रामीण भागातील अनेक विकासकामांना वाव मिळाला.
गेली अनेक वर्षे ग्रामीण भागातील मूलभूत सुविधांची कामे निधीअभावी रखडली होती. वाडीअंतर्गत जाणारे रस्ते, पायवाटा, स्मशानभूमी शेड आदींची कामे या निधीमुळे पूर्णत्वास जाणार आहेत. आमदार राणे यांनी मंत्रालय स्तरावर उपमुख्यमंत्री एकनाथ शिंदे, ग्रामविकास मंत्री जयकुमार गोरे, ग्रामविकास राज्यमंत्री योगेश कदम यांच्याजवळ पाठपुरावा करत पहिल्या टप्प्यात अडीच कोटींचा निधी मंजूर करून घेतल्याबद्दल शिवसेना जिल्हाप्रमुख दत्ता सामंत, शिवसेना कुडाळ तालुकाप्रमुख विनायक राणे, दीपक नारकर व मालवण तालुकाप्रमुख राजा गावडे, विनायक बाईत यांनी आभार मानले.