03167

नृत्य दिग्दर्शन स्पर्धेत
सिद्धी घाडी विजेत्या

सकाळ वृत्तसेवा
आचरा, ता. ८ ः येथील इनामदार श्री देव रामेश्वर मंदिर येथे कार्तिकोत्सवानिमित्त भजनी बुवा रवींद्र गुरव यांच्या कल्पनेतून जिल्ह्यात प्रथमच आयोजित केलेल्या भक्तिगीत नृत्य दिग्दर्शन स्पर्धेला उत्स्फूर्त प्रतिसाद मिळाला.
या स्पर्धेत प्रथम क्रमांक देऊळवाडी येथील विठ्ठल रखुमाई ग्रुपच्या सिद्धी घाडी यांनी पटकावला. द्वितीय क्रमांक स्नेहल देसाई (दिव्यज्योत समई ग्रुप डोंगरेवाडी), तृतीय ओंकार परब (ओमी ग्रुप डान्स) यांनी मिळविला. उत्तेजनार्थ मिताली आचरेकर (श्री ग्रुप वरचीवाडी), भावना मुणगेकर (शिवरामेश्वर ग्रुप आचरा) यांनी प्राप्त केला. या स्पर्धेत जिल्ह्यातील एकूण १३ संघांनी सहभाग दर्शविला. स्पर्धेचे उदघाट्न ओंकार मिराशी यांच्या हस्ते झाले. यावेळी जेरॉन फर्नांडिस, संतोष मिराशी, संजय मिराशी, अभय भोसले, जयप्रकाश परुळेकर, पंकज आचरेकर, मंदार सांबारी, फ्रफुल्ल घाडी, दशरथ घाडी, बाळा घाडी, मंदार सरजोशी, अजित घाडी, चंदू कदम आदी उपस्थित होते. विजेत्यांना मान्यवरांच्या हस्ते गौरविण्यात आले. स्पर्धेचे परीक्षण रवी कुडाळकर, दिशा नाईक यांनी केले. राजा सामंत यांनी सूत्रसंचालन केले.