गुहागरमध्ये वंदे मातरम् गीतगायन
गुहागर ः महाराष्ट्र शासनाच्या निर्णयानुसार, गुहागर येथे युवक-युवतींसह नागरिकांच्या उपस्थितीत वंदे मातरम् संपूर्ण गीतगायन करण्यात आले. या वेळी तहसीलदार परिक्षित पाटील व पोलिस निरीक्षक सचिन सावंत उपस्थित होते. या प्रसंगी गोपाळगड संवर्धन समितीचे अक्षय पवार यांनी बंकिमचंद्र चट्टोपाध्याय यांचा वंदे मातरम् या गीतलेखनाचा उद्देश काय होता, त्याचे रूपांतरण देश स्वतंत्र होण्यासाठी कसा झाला यावर मार्गदर्शन केले. डॉ. योगिता खाडे यांनी क्रीडाक्षेत्रातील अनुभव कथन केले. आयटीआयचे शिल्प निदेशक प्रदीप घस्ती, भूपेंद्र पवार व प्रशिक्षणार्थ्यांनी सर्वधर्म समभाव देशभक्तिपर लघुनाटिका सादर केली. कार्यक्रमासाठी प्रतीक जाधव, गटशिक्षणाधिकारी कार्यालयाचे प्रतिनिधी विलास शेंबेकर, मुख्याध्यापिका संपदा चव्हाण, वृणाल बेर्डे, विराज महाजन, प्रसाद वैद्य, हभप गोविंद साळवी बुवा आदी उपस्थित होते.