मठ येथे पाणलोटवर जागृती शिबिर
लांजा, ता. ११ ः प्रधानमंत्री कृषी सिंचन योजना पाणलोट विकास घटक २.० अंतर्गत लांजा क्लस्टर १ मधील मठ ग्रामपंचायत येथे विकास सहयोग प्रतिष्ठान संस्थेतर्फे पाणलोट विषयावरील जाणीवजागृती प्रशिक्षण झाले. प्रशिक्षणात पाणलोट व्यवस्थापनाचे महत्त्व, जलसंवर्धनातील ग्रामस्थांचा सहभाग तसेच हिवरेबाजारच्या यशस्वी पाणलोट विकास मॉडेलचा संदर्भ देत मार्गदर्शन करण्यात आले. कार्यक्रमादरम्यान ग्रामस्थांना प्रत्यक्ष उदाहरणे, चर्चासत्रे आणि प्रात्यक्षिकांद्वारे पाणलोट म्हणजे काय, त्याचे घटक कोणते आणि सर्वांच्या सहभागाने त्याची अंमलबजावणी कशी शक्य आहे या विषयी माहिती देण्यात आली. कार्यक्रमाला सरपंच वैष्णवी साळवी, लांजा बळीराजा अॅग्रो प्रॉडक्ट्स कंपनी लिमिटेडचे उपाध्यक्ष सुभाष पवार, पाणलोट समिती सचिव गोपीनाथ कांबळे, संचालक संतोष अडबल, माजी तंटामुक्ती अध्यक्ष बबन कांबळे आदी उपस्थित होते.
--