‘तरुणपिढीने शेतीकडे वळणे आवश्यक’
दापोली ः कोकणातील शेतीमध्ये खऱ्या अर्थाने परिवर्तन घडवायचे असेल तर तरुणपिढीने शेतीकडे वळणे अत्यावश्यक आहे, असे मत रत्नागिरी जिल्हा मध्यवर्ती सहकारी बँकेचे अध्यक्ष डॉ. तानाजीराव चोरगे यांनी व्यक्त केले. डॉ. बाळासाहेब सावंत कोकण कृषी विद्यापीठात आयोजित कृषी मंडळनिहाय शेतकरी मेळाव्याचा प्रारंभ सर विश्वेश्वरैय्या सभागृहात झाला. या प्रसंगी विद्यापिठाचे कुलगुरू डॉ. संजय भावे, कार्यकारी परिषद सदस्य संदीप राजपुरे व सुनील दळवी, जिल्हा अधीक्षक कृषी अधिकारी शिवकुमार सदाफुले, विस्तार शिक्षण संचालक डॉ. मकरंद जोशी आदी उपस्थित होते. रत्नागिरी जिल्हा बँकेच्या साह्याने खरेदी करण्यात आलेल्या फिरते कृषी चिकित्सालय वाहनाचे उद्‍घाटन मान्यवरांच्या हस्ते करण्यात आले. कुलगुरू डॉ. संजय भावे यांनी कोकणातील प्रत्येक गावची शेतीपद्धत वेगळी असल्याने शेतकऱ्यांच्या अडचणीही भिन्न आहेत.