04472

इन्सुलीत माजी सरपंचांसह
सदस्य शिंदे शिवसेनेमध्ये

शिवसेना ठाकरे गटाला धक्का

सावंतवाडी, ता. १५ ः इन्सुलीतील उद्धव बाळासाहेब ठाकरे शिवसेनेला शिवसेना जिल्हाप्रमुख संजू परब यांनी धक्का दिला असून माजी मंत्री आमदार दीपक केसरकर यांच्या उपस्थितीत दोन ग्रामपंचायत सदस्यांसह माजी सरपंचांनी शिवसेनेत प्रवेश केला.
यात विद्यमान ग्रामपंचायत सदस्य सोनाली मेस्त्री, कृष्णा सावंत, सचिन पालव, माजी सरपंच विजय डुगल, अर्जुन मेस्त्री, उपतालुका संघटक आपा आमडोसकर, मनोहर गावकर यांचा समावेश होता. यावेळी आमदार दीपक केसरकर, शिवसेना जिल्हाप्रमुख संजू परब, उपजिल्हा प्रमुख झेवियर फर्नांडिस, तालुकाप्रमुख नारायण उर्फ बबन राणे, ज्येष्ठ नेते अशोक दळवी, सरपंच तात्या वेंगुर्लेकर, माजी उपसरपंच नाना पेडणेकर, पूजा पेडणेकर, परिक्षित मांजरेकर उपस्थित होते. जिल्हाप्रमुख परब म्हणाले, ‘गावच्या विकासासाठी कटिबद्ध आहोत. माजी मंत्री, आमदार दीपक केसरकर यांच्या माध्यमातून तुमच्या सुखदुःखात सोबत राहू.’ या प्रवेशासाठी उपजिल्हाप्रमुख झेवियर फर्नांडिस व तालुकाप्रमुख बबन राणेंचे कौतुक करत प्रवेशकर्त्यांना शुभेच्छा दिल्या. उपजिल्हाप्रमुख फर्नांडिस यांनी यापुढील स्थानिक स्वराज्य संस्थांमध्ये शिवसेनेचा भगवा फडकेल, असा विश्वास व्यक्त केला.