परुळेत २९ डिसेंबरला
‘राधारंग’तर्फे ‘गायन’
म्हापण ः राधारंग फाउंडेशन या संस्थेकडून दरवर्षी गायन स्पर्धेचे आयोजन करण्यात येते. यावर्षी सिंधुदुर्गचे सुपुत्र प्रसिद्ध संगीतकार (कै.) वसंत देसाई यांच्या ५० व्या स्मृतिदिनाचे औचित्य साधून राधारंग फाउंडेशनने गायन स्पर्धेचे आयोजन केले आहे. स्पर्धेसाठी प्रथम ३००० व स्मृतिचिन्ह, द्वितीय २५०० व स्मृतिचिन्ह, तृतीय २००० व स्मृतिचिन्ह, उत्तेजनार्थ १००० रुपये व स्मृतिचिन्ह अशी बक्षिसे आहेत. स्पर्धा सिंधुदुर्ग जिल्हा मर्यादित असून १८ वर्षांवरील स्त्री-पुरुष सहभागी होऊ शकतात. प्रवेश शुल्क आकारले जाणार नाही. या स्पर्धेत वसंत देसाई यांचे कोणतेही मराठी गीत सादर करायचे आहे. २० डिसेंबर २०२५ पर्यंत प्रथम नाव नोंदणी करणाऱ्या १५ स्पर्धकांची स्पर्धेसाठी निवड करण्यात येईल. स्पर्धकाने येताना वयाचा पुरावा (ओळखपत्र, आधारकार्ड) आणणे आवश्यक आहे. संगीत साथ आयोजकांकडून उपलब्ध करून देण्यात येईल. गीत सादरीकरणाचा वेळ ५ ते ७ मिनिटांचा राहिल. अधिक माहितीसाठी आणि नाव नोंदणीसाठी डॉ. प्रशांत सामंत यांच्याशी संपर्क साधावा. ही स्पर्धा २९ डिसेंबरला सायंकाळी साडेसहाला श्री देव आदिनारायण मंदिर, परुळे येथे होईल. स्पर्धेचे आयोजन स्वरयोग मुंबई आणि
परुळे युवक कला, क्रीडा मंडळाने केले आहे. स्पर्धेच्या परीक्षणासाठी प्रसिद्ध ॲकॉर्डियन सुराज साठे आणि प्रदीप देसाई उपस्थित राहणार आहेत. गायिका फैयाज यांच्या हस्ते स्पर्धेचे उद्‍घाटन व बक्षीस वितरण होईल.