- rat२३p१.jpg-
२५O०६१५३
रत्नागिरी ः शिरगाव येथील मत्स्य अभियांत्रिकी तंत्रनिकेतनातर्फे जागतिक मत्स्य व्यवसाय दिनात उपस्थित विद्यार्थी.
---
जागतिक मत्स्य व्यवसाय दिन साजरा
सकाळ वृत्तसेवा
रत्नागिरी, ता. २४ ः कोकण कृषी विद्यापीठ अंतर्गत मत्स्य अभियांत्रिकी तंत्रनिकेतन, शिरगांवमधील विद्यार्थ्यांनी २१ नोव्हेंबरला ‘जागतिक मत्स्य व्यवसाय दिन’ साजरा केला. या निमित्ताने जलजीविका या स्वयंसेवी संस्थेसोबत शिरगांव-खाडी कांदळवनमध्ये जाऊन कांदळवनातील वृक्षांची आणि परिसंस्थेची माहिती घेतली. जलजीविकेच्या सदस्यांनी विद्यार्थ्यांना कांदळवन परिसंस्था समजावून सांगितली.
या कार्यक्रमाचे आयोजन मत्स्य तंत्रनिकेतनचे प्राचार्य डॉ. केतन चौधरी यांच्या मार्गदर्शनाखाली नीलेश मिरजकर, रोहित बुरटे, मयुरी डोंगरे- सुर्वे, सुशील कांबळे आणि श्री. भाटकर आणि जलजिविका पुणेचे चिन्मय दामले, पियुषा शेलार यांनी यशस्वीरित्या केले.