06212
खारेपाटण कॉलेजमध्ये
स्पर्धा परीक्षा मार्गदर्शन
सकाळ वृत्तसेवा
तळेरे, ता. २३ : लाचलुचपत प्रतिबंधक विभाग सिंधुदुर्गच्या वतीने ज्युनियर कॉलेज खारेपाटण येथे जिल्हा पोलिस उपअधीक्षक विजय पांचाळ यांच्या प्रमुख उपस्थितीत विद्यार्थ्यांसाठी स्पर्धा परीक्षा मार्गदर्शन शिबिर नुकतेच झाले. शाळेच्या (कै.) चंद्रकांत पारिसा रायबागकर सभागृहामध्ये आयोजित या कार्यक्रमाला लाचलुचपत प्रतिबंधक विभागाचे पोलिस उपअधीक्षक विजय चव्हाण यांचे प्रा. संजय सानप यांनी पुष्पगुच्छ देऊन स्वागत केले. श्री. चव्हाण यांनी, ग्रामीण भागातील विद्यार्थ्यांनी स्पर्धा परीक्षांची तयारी शालेय जीवनातच करावी. वरिष्ठ पदावर काम करण्याची जिज्ञासा जोपासावी, असे सांगत सध्या स्पर्धेच्या युगामध्ये स्पर्धा परीक्षांचे असणारे महत्त्व विद्यार्थ्यांना समजावून सांगितले. कार्यक्रमाचे प्रास्ताविक प्रा. सानप यांनी केले. यावेळी व्यासपीठावर लाचलुचपत प्रतिबंधक विभागाचे पोलिस उपअधीक्षक विजय पांचाळ, त्यांचे सहकारी तसेच प्रशालेचे प्रा. सानप, पर्यवेक्षक संतोष राऊत, खारेपाटण रोटरी क्लबचे अध्यक्ष व ज्युनियर कॉलेजचे प्रा. दयानंद कोकाटे, ज्युनियर कॉलेज विभागातील शिक्षक व विद्यार्थी बहुसंख्येने उपस्थित होते. श्री. पांचाळ यांचे प्रशालेच्या वतीने आभार व्यक्त करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.