कोळी बांधवाच्या स्टॅच्यूला
सुशोभीकरणाची प्रतीक्षा
दापोली, ता. २४ ः शहराच्या प्रवेशद्वारावर, दापोली-मंडणगड मुख्य महामार्गालगत दिमाखात उभा असलेला कोळी बांधवाचा स्टॅच्यू सध्या धूळ खात असून त्याची अवस्था बिकट झाली आहे. नवीन वर्षाच्या (२०२६) तोंडावर या स्टॅच्यूची तातडीने साफसफाई आणि डागडुजी करण्यात यावी, अशी मागणी दापोलीतील नागरिकांकडून जोर धरू लागली आहे.
हा स्टॅच्यू दापोलीच्या कोकणी संस्कृतीचा आणि येथील पारंपारिक व्यवसायाचा महत्त्वाचा भाग आहे. शहरात येणाऱ्या प्रत्येक व्यक्तीला हा स्टॅच्यू येथील लोकजीवनाची ओळख करून देतो. मात्र, गेल्या काही वर्षांपासून या स्टॅच्यूकडे दुर्लक्ष झाले असून, तो पूर्णपणे धूळ आणि मातीने माखलेला आहे. रंग उडाला असून काही ठिकाणी त्याला विद्युत रोषणाई केली होती तीही गेल्याचे दिसून येत आहे.
--