rat24p17.jpg-
06427
शांताराम मालप
----------------
शांताराम मालप यांना
कलगीतुरा पुरस्कार
रत्नागिरी : कोकण प्रांतातील पारंपरिक ‘कलगीतुरा’ लोककलेचे जतन आणि संवर्धन करण्यासाठी गेल्या ५० हून अधिक वर्षे प्रयत्न सुरू आहेत. त्यासाठी कार्यरत असलेल्या कलगीतुरा समाजउन्नती मंडळ, मुंबई यांनी यंदाच्या कलगीतुरा शाहीर पुरस्कार २०२५ ची घोषणा केली आहे. यावर्षीचा प्रतिष्ठेचा पुरस्कार रत्नागिरी तालुक्यातील ज्येष्ठ शाहीर शांताराम मालप (रा. निवळी, रत्नागिरी) यांना जाहीर झाला. मालप यांना हा पुरस्कार त्यांच्या गेल्या ६५ वर्षांपासून सुरू असलेल्या कलगीतुरा आणि शाहिरी लोककलांवरील अविरत कार्यासाठी आणि महत्त्वपूर्ण योगदानाबद्दल प्रदान केला जात आहे. पुरस्कार वितरण सोहळा ७ डिसेंबरला मुंबई येथे होणार असल्याची माहिती मंडळाचे सरचिटणीस संतोष धारसे यांनी दिली.