कथाकथन, निबंध स्पर्धेत
‘नवजीवन’ विद्यालयाचे यश
संगमेश्वर, ता. २७ ः तालुकास्तरीय कथाकथन स्पर्धेत नवजीवन विद्यालय फुणगूसची विद्यार्थिनी कीर्ती शिगवण हिने माध्यमिक गटात द्वितीय क्रमांक, वेदिका बाचिमने प्राथमिक गटात निबंध स्पर्धेत तृतीय तर अथर्व घेवडे याने माध्यमिक गटात निबंध स्पर्धेत तृतीय क्रमांक मिळवला.
संग‌मेश्वर तालुक्यातील ताम्हाणे येथील माध्यमिक विद्यामंदिरात पारितोषिक वितरण झाले. चित्रकला व हस्ताक्षर स्पर्धेत प्रशालेचे विद्यार्थी सहभागी झाले होते. सर्व सहभागी व यशस्वी विद्यार्थ्यांच्या उल्लेखनीय यशाबद्दल विद्यार्थी आणि मार्गदर्शक शिक्षक यांचे संस्थेचे अध्यक्ष चंदुभाई देशपांडे संस्था उपाध्यक्ष डॉ. अरुण डिंगणकर, सचिव दिलीप कुळकर्णी तसेच वि‌द्याल‌याचे मुख्याध्यापक सुनील पाटील यांनी अभिनंदन केले आहे.