rat२७p२०.jpg-
२५O०६९९६
रत्नागिरी : दामले विद्यालयात संविधान दिन कार्यक्रमात मार्गदर्शन करताना प्रा. सुधाकर मुरकुटे. डावीकडून गौरी राजपूत, विलास शेंडगे, भगवान मोटे आणि योगेश कदम.

मुलांना संविधान समजावून सांगा ः मुरकुटे
सकाळ वृत्तसेवा
रत्नागिरी, ता. २८ : संविधान लहान वयातच मुलांना अतिशय साध्यासोप्या पद्धतीने समजावले तर ते त्यांना अधिक आत्मसात होईल, असे प्रतिपादन रत्नागिरी नगर पालिका शिक्षण मंडळाचे प्रशासन अधिकारी तथा विस्तार अधिकारी प्रा. सुधाकर मुरकुटे यांनी केले. संविधान दिनानिमित्त नगरपालिका शाळा क्र. १५- दामले विद्यालयात आयोजित कार्यक्रमात ते बोलत होते.
प्रा. मुरकुटे यांनी प्रश्नोत्तरांच्या माध्यमातून विद्यार्थ्यांना चर्चेत सहभागी होण्यासाठी प्रवृत्त करत आजचे मार्गदर्शन यशस्वी केले. ज्याप्रमाणे आपण संविधानाने दिलेल्या अधिकारांविषयी जागरूक असतो त्याचप्रमाणे आपल्या कर्तव्याशी प्रामाणिक असले पाहिजे, याची जाणीव त्यांनी या वेळी विद्यार्थ्यांना करून दिली.
व्यासपीठावर मुख्याध्यापक भगवान मोटे, विलास शेंडगे, गौरी राजपूत आदी मान्यवर उपस्थित होते. शाळेत दिवसभर चित्रकला स्पर्धा, प्रश्नमंजूषा स्पर्धा, गीतगायन स्पर्धा व प्रभात परीक्षा अशा विविध कार्यक्रमांचे आयोजन करण्यात आले होते. योगेश कदम यांनी आभार मानले.