एड्स जनजागृतीसाठी
आज दुचाकी फेरी
रत्नागिरी, ता. ३० ः जागतिक एड्स नियंत्रण दिनानिमित्त एड्सविषयी जनजागृती करणे व जास्तीत जास्त लोकांपर्यंत पोहोचून एचआयव्ही तपासणीस प्रोत्साहित करण्यासाठी उद्या (ता. १) डिसेंबरला सकाळी साडेआठ वाजता दुचाकीर फेरीचे आयोजन केले आहे. ही फेरी जिल्हा शासकीय रुग्णालय येथून सुरु होवून जयस्तंभ मार्गे एसटी स्टँड येथे वळसा घेवून साळवी स्टॉप मार्गे पुन्हा जिल्हा शासकीय रुग्णालय येथे समाप्त करण्यात येणार आहे, असे जिल्हा शल्य चिकित्सक तथा सदस्य सचिव जिल्हा एड्स नियंत्रण समिती भास्कर जगपात यांनी कळविले आहे

------------
आज रात्री दहा वाजता प्रचार बंद
रत्नागिरी ः पालिका निवडणूक मतदान सुरु होणाच्या दिनांकाच्या अगोदरच्या दिवशी म्हणजेच मंगळवारी (ता. २) मतदान सुरु होत असल्यास सोमवारी (ता. १) तारखेला रात्री दहा वाजता प्रचार बंद होईल. त्या वेळेपासून सभा, मोर्चे,ध्वनिक्षेपकाचा वापर करता येणार नाही. तसेच निवडणूक प्रचाराशी संबंधित जाहिरात प्रसिध्दी. प्रसारण देखील बंद होईल, असे जिल्हाधिकारी मनुज जिंदल यांनी प्रसिध्दीपत्रकाद्वारे कळविले आहे.