- rat1p12.jpg-
P25O07770
सावर्डे ः बुद्धिबळ स्पर्धेतील विजयी पावनी नायक हिचा सत्कार करताना मारुतीराव घाग. सोबत शांताराम खानविलकर, डॉ. सुनितकुमार पाटील आदी.

सह्याद्री बुद्धिबळ स्पर्धेत
सुर्वे, भुवड, नायक यांचे यश
सकाळ वृत्तसेवा
सावर्डे, ता. १ ः येथील सह्याद्री शिक्षणसंस्थेच्या स्थापनादिनानिमित्त घेण्यात आलेल्या बुद्धिबळ स्पर्धेत सह्याद्री शिक्षणसंस्थेच्या प्राथमिक शाळा सावर्डेने निर्विवाद वर्चस्व राखले. गोविंदराव निकम माध्यमिक विद्यालयाच्या भाऊसाहेब महाडीक सभागृहात सह्याद्री टॅलेंट बुद्धिबळ स्पर्धा पार पडल्या.
बुद्धिबळ स्पर्धेत प्राथमिक शाळा सावर्डेचा अर्णव सुर्वे याने प्रथम क्रमांक, श्रवण भुवड द्वितीय तर पावनी नायक हिने तृतीय क्रमांक प्राप्त केला. सह्याद्री शिक्षणसंस्थेचे संचालक शांताराम खानविलकर, मारुतीराव घाग, मानसिंग महाडीक, महेश महाडीक, प्रशांत निकम, अनिरुद्ध निकम यांच्या हस्ते सर्व विजेत्यांना चषक व प्रमाणपत्र देऊन गौरवण्यात आले. सर्व विजेत्यांचे आमदार शेखर निकम, पूजा निकम, पूर्वा निकम, शिक्षण विस्तार अधिकारी सशाली मोहिते, केंद्रप्रमुख जयश्री गावडे यांनी अभिनंदन केले.