डिंगणे येथे उद्या
दत्त जयंती उत्सव
बांदा ः डिंगणे-डोंगरपाल येथील प. पू. ब्रम्हलीन सद्‌गुरू श्री नवनितानंद महाराज स्थापित श्री स्वामी समर्थ मठात गुरुवारी (ता. ४) दत्त जयंती सोहळा होत आहे. यानिमित्ताने विविध कार्यक्रम आयोजित करण्यात आले आहेत. सकाळी ९ वाजता स्वामी पादुकांवर अभिषेक, १० वाजता होम हवन, दुपारी १२ वाजता आरती, १.३० वाजता भंडारा (महाप्रसाद), सायंकाळी ४.३० वाजता पालखी प्रदक्षिणा, ७ वाजता हरिपाठ, रात्री ८ वाजता आरती, ९ वाजता भजन आदी कार्यक्रम होतील. भाविकांनी श्री दर्शनाचा लाभ घ्यावा, असे आवाहन करण्यात आले आहे.

इन्सुलीत उद्या
विविध कार्यक्रम
बांदा ः इन्सुली जुना एक्साईज ऑफिस नजीकच्या दत्त मंदिरात गुरुवारी (ता. ४) दत्त जयंती उत्सवानिमित्त विविध धार्मिक व सांस्कृतिक कार्यक्रम आयोजित करण्यात आले आहेत. सकाळी ९ वाजता दत्त पादुका पूजन व अभिषेक, १० वाजता सत्यनारायण महापूजा, दुपारी आरती, तीर्थप्रसाद व महाप्रसाद, सायंकाळी ६ वाजता भजनांचा कार्यक्रम, ७ वाजता महाआरती, ७.३० वाजता भजन, रात्री १० वाजता जय हनुमान पारंपरिक दशावतार मंडळाचा ''शिवमंगळागौरी'' हा नाट्यप्रयोग होणार आहे. भाविकांनी या सोहळ्याचा लाभ घ्यावा, असे आवाहन श्री दत्तकृपा सांस्कृतिक कला, क्रीडा व व्यायाम मंडळ इन्सुलीतर्फे करण्यात आले आहे.

सातोसे येथे उद्या
दत्त जयंती सोहळा
बांदा ः सातोसे-देऊळवाडी येथील दत्त मंदिरात गुरुवारी (ता. ४) दत्त जयंती उत्सव साजरा करण्यात येणार आहे. त्यानिमित विविध कार्यक्रमांचे आयोजन केले आहे. सकाळी अभिषेक व लघुरुद्र अनुष्ठान सेवा होईल. भाविकांनी श्री दर्शन व तीर्थप्रसादाचा लाभ घ्यावा, असे आवाहन सातवळेकर कुटुंबीयांनी केले आहे.