swt415.jpg
08430
बांदा ः श्री देव बांदेश्वर मंदिर.

श्री बांदेश्वर भूमिका
वार्षिक जत्रोत्सव आज
सकाळ वृत्तसेवा
बांदा, ता. ४ः येथील प्रसिद्ध श्री बांदेश्वर भूमिका देवस्थानचा वार्षिक जत्रोत्सव उद्या (ता. ५) साजरा होत आहे. प्रतिवर्षाप्रमाणे या जत्रोत्सवानिमित्त विविध धार्मिक कार्यक्रमांचे आयोजन करण्यात आले आहे. दरवर्षीप्रमाणे जत्रोत्सवापासून श्री बांदेश्वराच्या दर सोमवारी होणाऱ्या पालखी प्रदक्षिणा सोहळ्याचा प्रारंभ होणार आहे.
उद्या (ता. ५) सकाळी श्री बांदेश्वर भूमिका मंदिरात पूजाअर्चा, दर्शन, श्री भूमिका माऊली ओटी भरणे, नवस बोलणे व फेडणे कार्यक्रमास आरंभ होईल. रात्री ९ वाजता श्रींचा मंदिराभोवती सवाद्य पालखी प्रदक्षिणा सोहळा, वार्षिक नित्य पुराण वाचन कार्यक्रमाची सांगता व त्यानंतर खानोलकर दशावतार मंडळाचा पौराणिक नाट्यप्रयोग होणार आहे. शनिवारी (ता. ६) सकाळी दहिकाला, श्रींची पालखी फेरी नदीघाटावर श्रीकृष्ण स्नानासाठी जाईल व पारंपरिक मार्गाने मंदिराकडे परत येईल. मंगळवारी (ता. ९) दुपारी समाराधना कार्यक्रम होणार आहे. भाविकांनी या सोहळ्याचा लाभ घेण्याचे आवाहन श्री बांदेश्वर भूमिका देवस्थानच्या वतीने अध्यक्ष राजाराम उर्फ बाळू सावंत यांनी केले आहे.