-rat६p१.jpg-
P२५O०८८१०
गोवा ः गोवा येथे प्रतिष्ठेचा पुरस्कार स्वीकारताना आर्किटेक्ट शर्वरी पावसकर व मान्यवर.
----
शर्वरी पावसकरचा गोव्यात गौरव
सकाळ वृत्तसेवा
रत्नागिरी, ता. ६ : रत्नागिरीची कन्या आर्किटेक्ट शर्वरी पावसकर हिला एक अत्यंत मानाचा सन्मान प्राप्त झाला आहे. गोवा येथे आयोजित डिझाईन अॅण्ड व्हीजन २५ हे आर्किटेक्चर, इंटिरियर डिझाईन आणि रिअल इस्टेटमधील उत्कृष्टतेसाठी दिला जाणाऱ्या पुरस्कारांमध्ये शर्वरीला वर्ष २०२५ साठी विश्वासार्ह आणि नावीन्यपूर्ण वास्तुविशारद आणि डिझायनर (महाराष्ट्र) हा बहुमान प्रदान करण्यात आला.
या पुरस्कारासाठी देशातील २८ राज्यांमधून निवड करण्यात आली होती. त्यामध्ये महाराष्ट्रातून शर्वरीची निवड झाली. रत्नागिरी जिल्ह्यासाठी हा मोठा सन्मान आहे. हा पुरस्कार शर्वरीच्या परिश्रम, नवोन्मेषी कामकाज, सर्जनशील दृष्टिकोन आणि वास्तुकलेतील उल्लेखनीय योगदानाचे द्योतक आहे. हा गौरव दोन नॅशनल अॅवॉर्ड विजेते पद्मश्री आर्किटेक्ट जी. शंकर या वास्तुकलेतील महान व्यक्तिमत्त्वांच्या हस्ते शर्वरीला प्रदान करण्यात आला.