-rat११p४०.jpg-
२५O१००३२
राजापूर ः स्वच्छता अभियानानंतर स्वच्छ आणि सुंदर दिसणारा गंगातीर्थ कुंड परिसर.
----
गंगातीर्थ परिसर स्वच्छतेने उजळला
विद्यार्थ्यांचे श्रमदान; ‘गांधीतीर्थ स्वच्छ शाळा अभियान’
सकाळ वृत्तसेवा
राजापूर, ता. १२ ः भाविकांचे श्रद्धास्थान असलेल्या उन्हाळे येथील प्रसिद्ध गंगातीर्थक्षेत्र परिसराची ओणी येथील नूतन विद्यामंदिर आणि कनिष्ठ महाविद्यालयाच्या विद्यार्थ्यांनी स्वच्छता करून सामाजिक बांधिलकी जोपासली. सुमारे दोन तास राबवलेल्या या अभियानामुळे गंगातीर्थ परिसर स्वच्छ आणि सुंदर झाला आहे. ‘गांधीतीर्थ स्वच्छ शाळा राज्यस्तरीय प्रतियोगिता अभियानांतर्गत ओणी येथील नूतन विद्यामंदिच्या विद्यार्थ्यांनी राबवलेल्या या उपक्रमाद्वारे महात्मा गांधीजींनी साऱ्‍यांना दिलेला स्वच्छता संदेश खऱ्‍या अर्थाने कृतीद्वारे साऱ्यांसमोर मांडला.
गांधीतीर्थ स्वच्छ शाळा राज्यस्तरीय प्रतियोगिता अभियानांतर्गत नूतन विद्यामंदिर व कनिष्ठ महाविद्यालयाच्या विद्यार्थ्यांनी उन्हाळे येथील गंगातीर्थ क्षेत्र परिसरामध्ये स्वच्छता अभियान राबवून परिसराची स्वच्छता आणि साफसफाई केली. या उपक्रमामध्ये मुख्याध्यापक विनोद मिरगुले, शिक्षक वसंत झोरे, अनिल दैत, काशिनाथ गुरव, कैलास भवारी, सुनील गोतावडे यांच्या मार्गदर्शनाखाली विद्यार्थी सहभागी झाले होते. त्यामध्ये विद्यार्थ्यांनी मूळ गंगा, चौदा कुंड, मंदिर आणि गंगातीर्थक्षेत्र परिसराची साफसफाई केली.
------
चौकट
व्याख्यानमालेतून प्रबोधन
नूतन विद्यामंदिर आणि कोकण मराठी साहित्य परिषदेतर्फे गांधीतीर्थ स्वच्छ शाळा राज्यस्तरीय प्रतियोगिता अभियानांतर्गत गांधीविचार व्याख्यानमालेचे आयोजन करण्यात आले आहे. संस्थाध्यक्ष अ‍ॅड. वासुदेव तुळसणकर यांच्या अध्यक्षतेखाली आयोजित करण्यात आलेल्या या व्याख्यानमालेमध्ये विविध वक्त्यांकडून आपापले विचार मांडून सामाजिक प्रबोधन केले जात आहे.
---