11177
मालवण ः येथे घेण्यात आलेल्या मैत्री चषक स्पर्धेचे उद्घाटन करताना संजय जाधव व इतर.

‘मैत्री क्रीडा चषक’ स्पर्धेत
‘मास्टर ब्लास्टर’ विजेता

सकाळ वृत्तसेवा
मालवण, ता. १७ : मालवण तालुका शिक्षक आणि शिक्षकेतर कर्मचारी यांच्यावतीने येथील बोर्डिंग ग्राउंडवर आयोजित करण्यात आलेल्या तालुकास्तरीय ‘मैत्री क्रीडा चषक’ क्रिकेट स्पर्धेत मास्टर ब्लास्टर संघाने अजिंक्यपद पटकावित चषकावर आपले नाव कोरले.
‘एक दिवस स्वतःसाठी व स्वतःच्या आरोग्य आणि आनंदासाठी’ या संकल्पनेतून ही स्पर्धा घेण्यात आली. तालुक्यातील सर्व शिक्षक व शिक्षकेतर कर्मचारी या स्पर्धेमध्ये सहभागी झाले. हे सामने लीग पद्धतीने चार गटांमध्ये खेळविले गेले. स्पर्धेचे उद्‍घाटन तालुक्यातील वायंगणी हायस्कूलचे ज्येष्ठ शिक्षक संजय जाधव यांच्या हस्ते झाले. असरोंडी हायस्कूल मुख्याध्यापक सुशांत पाटील, काळसे हायस्कूल मुख्याध्यापक अविनाश परब, आडवली हायस्कूल मुख्याध्यापक तुषार सकपाळ तसेच महेंद्र वारंग, शैलेश मुळीक, महेश भाट, तुषार सकपाळ, सुमित मसुरकर, प्रसाद परुळेकर, शाम वारंग उपस्थित होते. मिलिंद गावकर यांनी सूत्रसंचालन केले. शिंदे यांनी सामन्यांचे समालोचन केले. या स्पर्धेमध्ये द्वितीय मार्गदर्शक मास्टर, तृतीय मास्टर माईंड ११, चतुर्थ इलेव्हन फायटर्स हे विजेते ठरले.