-rat२६p३४.jpg-
२५O१३६४९
पावस ः पावस मार्गावर लागलेल्या आगीत होरपळलेली आंबा कलमे.
----------
विद्युतखांबावरील स्पार्किंगमुळे बागेला आग
पावस येथील घटना ; आंबा, काजू कलमे खाक
सकाळ वृत्तसेवा
पावस, ता. २६ ः रत्नागिरी ते पावस मार्गावरील मुकादम नर्सरी ते वडपिंपळ स्टॉप रस्त्यालगत असलेल्या विद्युतखांबावर झालेल्या स्पार्किंगमुळे बागायतदार मोरेश्वर जोशी यांच्या बागेला आग लागली. यामध्ये मोहोर आलेली आंबा, काजूची कलमे जळून सुमारे दीड लाखांचे नुकसान झाले आहे. सुरुवातीला लहान स्वरूपात असलेली ही आग काही वेळातच पसरून शेजारील बागेतही पसरली. या आगीत स्थानिक रहिवासी मोरेश्वर जोशी यांच्या बागेतील आंबा व काजूची झाडे मोठ्या प्रमाणात जळून नुकसान झाले.
ही घटना २५ डिसेंबरला दुपारी घडली. आग अधिक पसरून आजूबाजूच्या इतर बागांत पोहोचण्याचा धोका लक्षात घेता तत्काळ फिनोलेक्स कंपनीच्या अग्निशमन सेवेशी संपर्क साधण्यात आला. फिनोलेक्सचा बंब तातडीने घटनास्थळी दाखल झाला आणि आगीवर नियंत्रण मिळवण्याचे काम सुरू झाले. तासाभरात आग आटोक्यात आली.