कोकण

-चिपळुणात फुटीचा फटका महायुतीसह आघाडीलाही

CD

आघाडी–युतीमधील फूटीमुळे निकाल बदलला
नेते-कार्यकर्त्यांमध्ये सामंजस्यांचा अभाव ; काँग्रेस, राष्ट्रवादीला फटका
सकाळ वृत्तसेवा
चिपळूण, ता. २७ : नगरपालिका निवडणुकीच्या तोंडावर महाविकास आघाडी व महायुतीचा गटही फुटला. भाजप-शिंदे सेनेने युतीचा धर्म पाळला; मात्र, काँग्रेसने आघाडीची साथ सोडल्याने आघाडीचा किल्ला गडगडल्याचे समोर आले आहे. महाविकास आघाडीच्या नेत्यांमधील काही मुद्द्यांवर एकमत न झाल्याने त्याचा फटका शहरातील सहा प्रभागातील उमेदवारांना बसला. महायुतीत आमदार शेखर निकम यांच्या नेतृत्वाखाली राष्ट्रवादी (अजित पवार) पक्ष अलिप्त राहिल्याने दोन प्रभागातील युतीच्या उमेदवारांना फटका बसला.
जिल्ह्यातील सर्वाधिक चुरशीची लढत चिपळूण पालिकेच्या निवडणुकीत झाली. नगरसेवकपदाच्या २८ जागांसाठी ही निवडणूक झाली. या निवडणुकीच्या पार्श्वभूमीवर आधीपासूनच महायुती व महाविकास आघाडी स्थापन करण्याचा निर्णय झाला होता; परंतु, निवडणूक जवळ येताच प्रत्येक राजकीय पक्षात स्वबळाच्या हालचाली सुरू झाल्या. शेवटच्या क्षणी महायुतीतून काही राजकीय घडामोडींमुळे राष्ट्रवादी (अजित पवार) पक्ष वेगळा झाला तर दुसऱ्या बाजूला महाविकास आघाडीतून काँग्रेस बाजूला झाली.
आमदार भास्कर जाधव व माजी आमदार रमेश कदम यांनी हातमिळवणी करत त्यांनीही काही उमेदवारांची स्वतंत्र मोट बांधून वेगळी वाट धरली. माजी खासदार विनायक राऊत यांनी ऐनवेळी परस्परविरोधी भूमिका घेतली. नेत्यांच्या वेगवेगळ्या भूमिकेमुळे हक्काच्या जागा काही मतांच्या फरकाने गमवाव्या लागल्याचे समोर आले आहे. महाविकास आघाडीत काँग्रेस, राष्ट्रवादी (शरद पवार) व उद्धव सेना एकत्रित लढली असती तर आणखी सहा जागा जिंकता आल्या असत्या. याच पद्धतीने राष्ट्रवादी (अजित पवार) सोबत असती तर महायुतीलाही मतांच्या आकडेवारीनुसार आणखी दोन जागा जिंकता आल्या असत्या. संबंधित उमेदवारांनी नेत्यांकडे आधीच आघाडीतील एक अर्ज मागे घेण्यासाठी शेवटच्या टप्प्यात तगादा लावला होता. मात्र, त्याची पक्ष व नेत्यांनी वेळीच दखल न घेतल्याने निवडणूक निकालात त्याचे परिणाम दिसले.
---
नगरपालिका निकालाचा विचार होणार...
नगरपालिका निवडणुकीच्या तोंडावर महाविकास आघाडी व महायुतीचा गटही फुटला. त्याचा फटका महायुतीसह आघाडीलाही बसला. त्याचे परिणाम निकालावरही झाले. आगामी निवडणुकीच्या पार्श्वभूमीवर सर्वच पक्षांना याचा गांभीर्याने विचार करावा लागणार आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Self-driving car technology 2030 forecast : रस्त्यावरचा नवा 'धुरंधर'; चालकविरहित स्वयंचलित वाहनांच्या युगाचा उदय!

Latest Marathi News Live Update: एसडीपीआय आणि रहिवाशांनी येलहंका येथील अतिक्रमण हटाव मोहिमेचा निषेध

PM Narendra Modi: पंतप्रधान मोदींचा जुना फोटो काँग्रेस नेत्याने केला व्हायरल; शपथविधी सोहळा अन् जमिनीवर बसलेले मोदी

PMC Election : पुणे महापालिका निवडणुकीसाठी एकच उमेदवार ३ पक्षांकडून करत आहे अर्ज!

Team India U19: आयसीसी U-19 वर्ल्डकप आणि दक्षिण आफ्रिकेविरुद्धच्या मालिकेसाठी टीम इंडिया जाहीर; कर्णधारपदाची धुरा कुणाकडे?

SCROLL FOR NEXT